Category Archives: Uncategorized

تضمین بر سلام رضااز: صاحبزادہ نصیر الدین نصیر گولڑوی================= صاحب تاجِ عزت پہ لاکھوں سلام    واقفِ راز فطرت پہ لاکھوں سلام    قاسمِ کنزِ نعمت پہ لاکھوں سلام    مصطفی جانِ رحمت پہ لاکھوں سلام    شمع بزمِ ہدایت پہ لاکھوں سلام======================     جس کو بے چین رکھتا تھا امت کا غم    نیک و بد پر رہا جس کا یکساں‌کرم    وہ حبیب خدا ، وہ شفیع امم    شہر یارِ امم ، تاجدارِ حرم    نوبہارِ شفاعت پہ لاکھوں سلام ==============    سرورِ دو جہاں ، شاہِ جن و بشر    جس کی چوکھٹ پہ جھکتے ہیں شاہوں کے سر    عبدِ خالق ، مگر خلق کا تاجور    صاحب رجعتِ شمس و شق القمر    نائبِ دستِ قدرت پہ لاکھوں سلام==============     وہ خداوند اقلیمِ جود و سخا    ہادیِ انس و جاں ، شاہ ہر دوسرا    سر بر آوردہ حلقہ انبیا    جس کے زیرِ لوا آدم و من سوا    اُس سزائے سیادت پہ لاکھوں سلام=====================     عہد طفلی میں وہ دلبرانہ چلن    دلستاں خامشی معجزانہ سخن    حسن میں دل کشی ، چال میں بانکپن    اللہ اللہ وہ بچنے کی پھبن    اس خدا بھاتی صورت پہ لاکھوں سلام==================     سرمگیں آنکھ ما زاغ کی راز داں    حلقہ زلف ، امت کا دارالاماں    ہاتھ فیاض ، عقدہ کشا انگلیاں    پتلی پتلی گلِ قدس کی پتیاں    ان لبوں کی نزاکت پہ لاکھوں سلام====================    نور افشاں ہوا جب وہ بطحی کا چاند    دیکھنے آئے سب ، روئے طیبہ کا چاند    آسماں پر پڑا ماند دنیا کا چاند    جس سہانی گھڑی چمکا طیبہ کا چاند    اس دل افروز ساعت پہ لاکھوں سلام=====================     جس گھڑی یاد باب حرم آگیا    سوزِ فرقت سے آنکھوں‌میں نم آگیا    موج میں جب وہ عیسی حشم آگیا    جس طرف اٹھ گئی دم میں دم آگیا    اس نگاہِ عنایت پہ لاکھوں سلام===================     رنج تنہائی ، تنہا سے پوچھے کوئی    دردِ شبیر ، زہرا سے پوچھے کوئی    تہہ میں کیا ہے ، یہ دریا سے پوچھے کوئی    کس کو دیکھا یہ موسی سے پوچھے کوئی    آنکھ والوں کی ہمت پہ لاکھوں سلام================     جس کی تقدیس کا رنگ گہرا رہا    جس کے در پر فرشتوں کا پہرا رہا    مغفرت کی سند جس کا چہرا رہا    جس کے ماتھے شفاعت کا سہرا رہا    اس جبینِ سعادت پہ لاکھوں سلام===================     بندگی جس کے صدقے ٹھکانے لگے    جس کے دیکھے خدا یاد آنے لگے    جس سے روتے ہوئے مسکرانے لگے    جس سے تاریک دل جگمگانے لگے    اس چمک والی رنگت پہ لاکھوں سلام====================     روئے روشن پہ پڑتی نظر کی قسم    آمنہ کے چمکتے قمر کی قسم    مجھ کو سرکار کے سنگِ در کی قسم    کھائی قرآں نے خاکِ گزر کی قسم    اس کفِ پا کی حرمت پہ لاکھوں سلام======================     جس کا حامی خداوندِ عالم رہا    فتح کا جس کے ہاتھوں میں پرچم رہا    جس کا رتبہ جہاں میں مسلم رہا    جس کے آگے سرِ سروراں خم رہا    اس سرِ تاجِ رفعت پہ لاکھوں سلام==================     جس کے آگے سلاطینِ عالم جھکیں    جس کے اک بول پر اہل دل مر مٹیں    جس کی تعمیلِ ارشاد قدسی کریں    وہ زباں‌ جس کو سب کن کی کنجی کہیں    اس کی نافذ حکومت پہ لاکھوں سلام===============     وقتِ دیدار ، چشم تماشا جھکی    دیکھ کر جلوہ گر ، موجِ دریا جھکی    جس کی آمد پہ دیوارِ کسریٰ جھکی    جس کے سجدے کو محراب کعبہ جھکی    ان بھووں کی لطافت پہ لاکھوں ‌سلام====================     خیر دنیا نہیں ، خیر عقبیٰ نہیں    اس کے دستِ تصرف میں کیا کیا نہیں    جس کی طاقت کا کوئی ٹھکانا نہیں    جس کو بارِ دو عالم کی پروا نہیں    ایسے بازو کی قوت پہ لاکھوں سلام==============  کون ہے وہ ، کرم جس پہ ان کا نہیں    سب کے ہیں ، ایک میرے ہی آقا نہیں    ایک میں ہی غلام ان کا تنہا نہیں    ایک میرا ہی رحمت پہ دعوی نہیں    شاہ کی ساری امت پہ لاکھوں سلام ================    خواجہ تاشِ نصیرِ ثنا خواں ، رضا    وہ بریلی کے احمد رضا خاں رضا    لا کے صف میں مجھے ان کے درباں ، رضا    مجھ سے خدمت کے قدسی کہیں ہاں رضا    مصطفی جانِ رحمت پہ لاکھوں سلام

شواہد النبوۃ میں باب العلم شیر خدا حضرت علی کرم اللہ وجہہ کی کرامت اور معراج علم کا واقعہ کچھ یوں بیان کیا گیا ہے ۔ امیرالمؤ منین حضرت علی رضی اللہ تعالیٰ عنہ کے کاشانہ خلافت سے کچھ دور ایک مسجد کے پہلو میں دومیاں بیوی رات بھر جھگڑا کرتے رہے ۔ صبح کوامیرالمؤمنینपढ़ना जारी रखें

WhatsApp Messengerکا استعمال شروع کرنے کا طریقہ

WhatsApp Messenger کا استعمال شروع کرنے کا طریقہ WhatsApp ڈاؤن لوڈ کر کے سیٹ اپ کریں 1. ایپ ڈاؤن لوڈ کریں اور کھولیں: Google Play Store یا Apple App Store سے مفت میں WhatsApp Messenger ڈاؤن لوڈ کریں۔ ایپ کھولنے کیلئے، اپنی ہوم اسکرین پر موجود WhatsApp آئیکن پر ٹیپ کریں۔ 2. سروس کی شرائطपढ़ना जारी रखें “WhatsApp Messengerکا استعمال شروع کرنے کا طریقہ”

موت کے بعد جسم کا کیا ہوگا؟

( سائنس کی نظر میں )تدفین کے ایک دن بعد یعنی ٹھیک 24 گھنٹے بعد انسان کی آنتوں میں ایسے کیڑوں کا گروہ سرگرم عمل ہو جاتا ہے جو مردے کے پاخانہ کے راستے سے نکلنا شروع ہو جاتا ہے، ساتھ نا قابل برداشت بدبو پھیلنا شروع کرتا ہے، جوکہ در اصل اپنے ہم پیشہपढ़ना जारी रखें “موت کے بعد جسم کا کیا ہوگا؟”

اردو ڈیزائنر ایپلیکیشن کا تعارف

سوشل میڈیا اور انٹرنیٹ کے اس دور میں جب ہر نظر آنے والی پوسٹ اورتصویر دیدہ زیب اور پرکشش ہوتی جا رہی ہے اور ہر طرف صرف اور صرف گرافک ڈیزائننگ کی طوطی بول رہی ہے۔ یہی وجہ ہے کہ بہترین وقابل ڈیزائنرس کی مانگ بھی تسلسل کے ساتھ مارکیٹ میں موجود ہے۔اس تیز رفتارपढ़ना जारी रखें “اردو ڈیزائنر ایپلیکیشن کا تعارف”

عیدالاضحی کی فضیلت و اہمیت

دین اسلام کی دو اہم عیدوں میں ایک عید الاضحی ہے، جو ذی الحجہ کی دسویں تاریخ کو عالمِ اسلام میں پورے جوش و خروش سے منائی جاتی ہے۔ اس عید کا آغاز 624ء میں ہوا۔ نبی کریم ﷺ کی ہجرت سے پہلے اہلِ مدینہ دو عیدیں مناتے تھے، جن میں وہ لہو و لعبपढ़ना जारी रखें “عیدالاضحی کی فضیلت و اہمیت”

Design a site like this with WordPress.com
प्रारंभ करें